Амьдралдаа хэцүү яриа өрнүүлэхээс бид хэзээ ч зайлсхийж чадахгүй. Хэрэв та бэлэн эсэхээс үл хамааран, гэр бүлийн гишүүд, найз нөхөд, хамтран ажиллагсадтайгаа үе үе таагүй яриа хийх шаардлага гардаг. Эдгээр яриа нь энгийн харилцааны нэг хэсэг бөгөөд итгэлцлийг гүнзгийрүүлэх, амжилтад хүрэх нөхцөл болдог.
Хэцүү яриа хийхийн зорилго нь хэн нэгнийг буруутгах эсвэл маргах биш, харин бидний хоорондын зөрчил, буруу ойлголцол, болон ирээдүйн зорилгод нөлөөлөх зөрчилдөөнөөс үүдэлтэй байдгийг ойлгох хэрэгтэй. Энэ төрлийн яриа зөвхөн оюуны түвшинд биш, мөн бие махбод, сэтгэл зүй, тэр ч байтугай сүнслэг түвшинд нөлөөлдөг. Тиймээс, бид эдгээр яриаг стратеги, чадвартайгаар удирдаж сурах нь чухал.
Хэцүү яриаг хийх нь хэлэлцээр, уучлал гуйх, шийдвэр гаргах зэрэг олон салбарт ашиглагддаг. Үүнийг бид улам ихээр дадал болгож, бие, сэтгэл, оюун санаагаа бэлдэж сурвал, хэцүү ярианы дунд ч ухамсраа алдахгүй, сэтгэл зүйн болон бие махбодийн нөлөөллөөс зайлсхийх боломжтой болно. Үүний тулд бид зөвхөн ярианы техник болон сэтгэл зүйг ойлгохоос гадна, биеийн химийн үйл явцыг удирдаж сурах ёстой. Жишээлбэл, зүрхний цохилт, цусны даралт, стрессийн дааврууд болон мэдрэлийн системийн төлөвийг зохицуулах чадварт суралцах нь чухал.
Бие махбоддоо эдгээр ярианууд аюултай биш гэдгийг харуулж чадвал, бидний бие, сэтгэл илүү тайван байдалд орж, хэцүү яриаг айдасгүй, стрессгүйгээр хийх боломжтой. Үнэндээ, бид энэ төрлийн яриаг сонирхолтой, хамтын ажиллагаатай байдлаар хандаж чадвал бүхэл туршлага илүү тааламжтай, эерэг болдог.
Хэцүү ярианд бэлтгэх 3 зөвлөгөө:
1. Ярианы зорилгыг ойлгох
Та хэн нэгэнтэй маргалдаж байхдаа өөрийнхөө ярианы зорилго нь юу болохыг ойлгох хэрэгтэй. Энэ яриа сэтгэл хөдлөлөө илэрхийлэх үү, эсвэл тодорхой зорилгод хүрэх тухай юу? Энэ мэдлэг таны анхаарлыг зөв чиглүүлж, зөв тактик хэрэглэхэд тусална.
2. Бие махбодийн төлөвөө удирдах
Хэцүү ярианы үед бие махбодийн төлөвөө удирдаж сурах нь чухал. Амьсгалын болон биеийн дасгалууд, залбирал зэрэг аргыг ашиглан зүрхний цохилт, стрессийн даавар, мэдрэлийн системээ тайван байдалд оруулах боломжтой. Энэ нь хэцүү ярианы үед тайван, төвлөрсөн байхад тустай.
3. Ярианы зорилго, чиглэлийг тодорхойлох
Хамтран ярилцаж буй хүнтэйгээ ярианы зорилго, чиглэлээ тодорхойлох нь маш чухал. Энэ нь яриаг илүү аюулгүй, үр дүнтэй болгохын зэрэгцээ хоёр талын зорилгод нийцэх боломжийг олгоно.
Өөрийгөө удирдахаас гадна, бусадтай харилцах чадвараа сайжруулах нь амжилтанд хүрэх гол хүчин зүйл юм. Хөнгөхөн яриа хийх амархан байж болох ч, харилцааны бодит үр дүн нь хэцүү ярианы үеэр шийдвэрлэгддэг гэдгийг санаарай.
Coach Oko
